الأدب
... ' إحساســي ' ...
إحساسي عمرُه ما خاب
ولا مرة كان كداب
لو كنت يوم عاشق
أو حتي م الأحباب
كان بان ف لهفة إيد
أو نظرة وانت بعيد
جارحني إهمالك
كلمني إيه مالك؟؟!
وضح لي أفعالك
طبعك معايا عنيد.
ملعون أبوك ياحب
لو من طرف واحد
فيه قلب يدَّي بصدق
والتاني ليه جاحد.؟
كل ما اقرَّب ليك
تبعدني ليه عنَّك.؟
كل ما اعيش جُواك
تقتلني ليه بِسِمَّك.؟
ماكانش باين يوم
إنك كدا...... ظالم
أنا قلبي ليك بيلوم
ومنَّك.. ماهو سالم
مش سهل تلقى حبيب
يخلص كدا فْ حبك
مسير عذابي معاك
من غيري يرجع لك
