الأدب
قصيدة الشاعرة نور الجنه درويش في المرحلة الثانية من المسابقة والتي صعدت قصيده ' تايهه '
فى ركن تايه فى القصيده
حالف لتقراه م الشمال
مكتوب بحب ودى الأكيده
محطوط ف خانة الأحتمال
حافظ قوانين الحياه
بيعدها
صوته اللى واصل منتهاه
بيصدها
ويردها
همسة لتغاريد الصباح
واصوات كتير متردده
راسمه الطريق متأكده
ان الكلام تاه فى الظلام
وان الرعاة صبحم نيام
لأسود بتسرق ضحكهم
تاهت معانى حلمهم
والوصف تاه
اصل الحكاوى وعكسها
انك أداه
ممكن تحاول تتنقل
وتعيش معاه
وصف الأماكن كلها
لحظة محبه وشملها
كل اللى كان لك شىء
وبتلبى نداه
يا كل أه اتجمعى
واتطبعى
احنا خلاص هنكرمك
ونقدرك
وان كان على صوت الوجع
نمحيه ب لا
فبلاش تزيدى فى المرار
نكهات ألم
فاهمين ولاعدناش صغار
مليون نعم
مليون نعم جوه الوشوش
مكتوبه بخطاوى الزمن
وبندرايها بالرتوش
والحق مدفوع التمن
لكن يامين يقدر
يلم المجروحين
ويحط قلبه ف اليمين
ويصير حبيب
حارس مجيب
ويدواى كل المجروحين
بكلمه مكتوبه فى مكان
عالى اوى مفيهوش امان
عاشق تفاصيل القصيده كلها
مستنى دوره جوه خانه فى قلبها
ويابختها
لو تبتدى او تهتدى او تبقى نجمه
وتقتدى بيها الحياه
والكلمه ترجع حضننا
تجمع معانى مش هنا
نهتف بعلو حِسنا
ياقصيده تايه من سنه
عودى لِنا عودى لِنابها للمرحلة الثالثة
