الأدب
... ' الحب و السفينه ' ...
باحبك سفينه .. بتتحس فينا
و تشغل عنينا .. برعشة شراعها
يا نور المداين .. و ريحة الجناين
إذا شافها خاين .. بتنزف دموعها
و حقك عليا .. يا أجمل صبيه
ما شافت عنيا .. سوا نور عنيكي
انا ليكي دايما .. من الكل أحسن
و ديكي بيدن .. بلمسة إيديكي
إلهنا جمعنا .. دعينا و سمعنا
و حضنه يساعنا .. لحد التلاقي
جمالك مدينه .. و روحي مدينه
لروحك يا مينا .. يا مهد اشتياقي
و لا عمري هاقدر .. لغيرك أقدر
و لا حتي احضر .. في جني لغيرك
ملامحك في نني .. يا ريتك في سني
يا كنز التمني .. يا قايدالي نورك
انا يا حبيبه .. يا عايشه غريبه
جيراننا ديابه..و حاولوا يدوسونا
و لا احنا غلابه .. و جوانا طيبه
و فيكي مهابه .. و كارهه الرعونه
باحبك و ديني .. و اديني بحناني
مليت القناني .. لروحنا العطاشه
في دوامه دوبنا .. عن الوعي غيبنا
لغاية ما نابنا .. جناح الفراشه
