الأدب
حبر أسود (بالعامية المصرية)
وقدِرت تمشي
قدِرت تُغدُر
بِدَمِّي تضحِّي
وشر تُبدُر
ف سيرتي تغَنِّي
وجرحي يكبر
دموعي تجري
تعَذِّب وتقهَر
تزَوِّدلي ألمي
عشرتنا تدَمَّر
حَطَّم يا أناني
وقلبي كمان اكسَر
من إمتى كُنت حقَّاني
من إمتى كُنت بتُستُر
بتقول صُنت عهدي
تخطَّط وحفرة ليَّ تُحفُر
عن أعز الناس فرَّقتِني
قِدِرت تطعن عِرفت تُهجُر
بوشوس قلابة فاجئتِني
بحِبر إسود دفتر اتسَطَّر
فين راح حقي
يا قاتل سنين العُمر
قوللي ليه دبَحتني
ومعاك شوفت المُر
حطيت حجر على قلبي
وقبِلت أضحِّي بصبر
جوايا فاضت قسوتي
وكإن حزني نهر
حلفت لأمسح دمعتي
وينوَّر بعيني الفجر
فاكر بسهولة كده دفنتني
ودخاني من غير نار
بإيدي بطمٍّنَك
فتَحت باب القبر
مسيري يوم هوَدَّعَك
وشايلة ف حًضني الزهر
بالشوك التُراب أفرشلك
تنام فوقه بالأمر
ف سحاب عنَيَّا أحبسك
أفرح وتعيش القهر
ويعود من تاني الهنا
واكسَر فيك الأنا
ده تَمَن جرحي أنا
تَمَن جرحي أنا
