الأدب
الندوه .. و صيد الحريم
انا الألفه اللي باتدفي..
على أعضائي من جوه.
ومش ممكن في يوم أصفي
بدونك يا سياج روحي.
أنا اللي الرب أكرمني..
في شعري الصافي بالقوه .
باحبك مهما كلمني..
شيطاني و باض على سطوحي.
أنا المبحوح عشان أصرخ..
وطيف المبتلي دايما .
وانا المدبوح بسيف أجلخ..
و ماشي أنزف الصرخه.
على سطحك وقف ديكي..
عشان يديكي أو يدن .
وانا اللي حذفت في كتابك..
حروف كانت في يوم مسخه.
بروح راسخه.. على بابك..
زرعت في قشيتك معدن.
وانا اللي كتبت مش ممكن..
هاييجي لحضرتك نسخه.
رسمتك خيمه في المنفى..
ولا كونتي في يوم نزوه .
ولا،، ندوه،،.. اصيد فيها..
فراشة ليل.. بمصباحي
