الأدب
الحجر ف الأرض بنى كم مقام؟ 'بالعامية المصرية'
روحت قوام يا صوم وقيام
تسبيح وتلاوة قرآن
وعٓ الدُعا كنت أصحا وأنام
والبال قلقان والكون غايب سكران
وهلالك نور في قلوب الأنام
وبحالنا الله العلام
ونقول ونعيد يا حنان يا منان
احفظنا ف حماك الأمان
وأصحا وأنام
وأسأل مسحوا دموع الأيتام؟
اتعظوا؟ بطََلوا كذب وبهتان؟
ضرب المدفع حصل النصر؟
ف المسجد إقامة وأذان؟
فرحتوا ولبِس العيد ألوان؟
ليلنا طلعله نهار؟
بنور الشمس ارتوى؟ ولا لسه عطشان؟
الحجر ف الأرض بنى كم مقام؟
وبسمة طفل بتبكي ف كل ميدان
ف عقولهم بركان
يقذف كل خسيس وجبان
بكرا العيد والفرحة بقت ذنب كبير
أقولك سر؟والسر ف بير؟
الأيام بتدور
وهييجي عليهم الدور
كَرّٓة ليهم وواحدة عليهم
دا وعدُه وأقصانا يفتح بابه
يحضُن كل شهيد واقف على أعتابُه
وشوارع تفرشها الأكفان
ونسمة هوا تعدي على الأغصان
تَخَضّٓر قلب مكسور
بدموعه عايش مقهور
وتطير ف السما أرواح نهشوها
بالغدر وشرُّه دبحوها
وتقول يا عدل الرحمان
والست دي أمي آدِت الأفران
وقدور مليانة بتفور
الحلو لولادي والمُر لعدُوِّنا أطنان
والتاريخ يكتب من جديد الزمان
كان ياما كان
كان هنا خسيس وجبان
بقلم الكاتبة والشاعرة
حنان فاروق العجمي
