رياضه
طارق يحيى بعد استقالته من الشرقية: أنا مدرب حمار
انفعل طارق يحيى، المدير الفني لنادي الشرقية، عقب هزيمة فريقه أمام وادي دجلة، امس، وتقديم استقالته خلال المؤتمر الصحفي عقب المباراة، «بلغو اعتذاري لجمهور الشرقية، إني ما أقدرتش احقق اللي هما طلبوه، ظروف بقى مش ظروف، أو اللاعيبة وحشة أو أنا مدرب حمار ما بعرفش أشتغل، أنا آخر ماتش ليا مع الشرقية، وبقدم اعتذراي للجمهور والجهاز الفني، أنا مش هقدر أكمل بالمنظر اللي شايفينه ده، من سوء حظ، وظلم تحكيمي، الجمهور مش هيقدر يستحملني وأنا عاذرهم لأننا بنتغلب، حقهم على رأسي بس الفرقة مش وحشة».
وتابع يحيى، أن الفريق تعرض لضغوط جماهيرية وتحكيمية، وبصراحة لن يفرق معي أي قرارات من عامر حسين، رئيس لجنة المسابقات، أو رضا البلتاجي، رئيس لجنة الحكام، «بعد اللي بيحصل ده انا مش فارق معايا حاجة».
وأضاف، «محدش يقدر يستحمل كل الضغوط ده اللي أنا مستحملها لوحدي، وبتمنى التوفيق لنادي الشرقية ومجلس إدارته من غير رئيسه اللي بيهاجمني في الفضائيات.
وقدم طارق يحيى، استقالته من تدريب الشرقية، بعد الهزيمة التي تلقاها الفريق أمام وادي دجلة، في المباراة التي أُقيمت بينهما امس، ضمن مباريات الأسبوع السابع من الدوري الممتاز.
