الأدب
دنيا مجنونه
اللبس الشتوى و اسعاره
وبطاطس ف شوال انهارو
مين يقدر و يسلف جاره
خلى المكرونه تكون بيضا
مجنونه يا دنيا يا مجنونه
وجيوبى نضيفه بلا صابونه
موضوع مش لقينله زتونه
علشان نفهم او نتراضى
الجرى خلاص مبقاش نافع
ولا شايفين حافز و لا دافع
تخرس خالص و تقوم دافع
بعدين نتكلم ف إفادة
اللعبه مهياش لعبتنا
والسكادى مش سكتنا
ملعون ابو دى حريتنا
ما نهد الدور .. يالا .. إعادة
المُر ماعدناش طايلينه
و الكل بالأسود طاليينه
يا قلوب يا حديد امتى تلينو
وتحسو بناس تانيه يا سادة
كراكيب وتمنها صبح غالى
اسكت ..مين هيربى عيالى
الشعر دا ايه بنسبالى
زى العيل و العضاضه
سك على كلامك.. واد موكوس
الدنيا مهياش بس فلوس
مش يمكن تلقى ف مره فانوس
والمشمش يرجع أمجاده
الشاعر ولاءالدين فاروق