منوعات
أحمد سرحان يكتب : كلمتين والأرزاق علي الله
شيلوا مبارك ، أو أقولكم شيلوا السيسي ، لأ ، خد الأنقح : يسقط الرئيس القادم ، شيلوا ألف رئيس ، لكن إعلموا حقيقه واحده ، المواطن المرتشي ده مواطن عادي ـ اللي بيرمي الزباله في الشارع ده مواطن عادي ـ اللي بيعطل مصالح الناس ده مواطن عادي ـ المدرس اللي مش بيشرح في الفصل عشان الدروس الخصوصيه ده مواطن عادي ـ المهندس اللي بيضرب تصاريح بناء مخالفه ده مواطن عادي ـ الدكتور اللي بيسيب المستشفي علشان البرايفيت والعياده الخاصه ومقاولات العمليات الجراحيه ده مواطن عادي ـ رجل الشرطه اللي قاعد في مكتبه وسايب البلطجيه والحراميه والارهابيين يستفحلوا في البلد ده مواطن عادي ـ التاجر الغشاش واللي بيحتكر السلع ويرفع الأسعار ده مواطن عادي .
ياساده أسهل وأبسط حاجه إنك تقول الرئيس والحكومه والنظام لكن صعب جدا جدا نواجه أنفسنا بحقيقة أنفسنا
